A REAL CHRISTIAN

Lalaki: Ibibigay ko ang lahat sa’yo, maging buhay at kaluluwa ko, sagutin mo lamang ako aking giliw. Mahal na mahal kita. (habang humuhuni ng magandang awitin ang mga ibon sa puno ng aratilis)

Babae: O sige aking irog, I take your word for it… sinasagot na kita. (nagbablush ang pisngi)

(Paglipas ng maraming buwan, nagsawa na si lalaki kay babae at nakatagpo na ng bagong mamahalin…)

Babae: (habang umiiyak) Totoo bang makikipaghiwalay ka na sa akin? Matapos kong ibigay sa’yo ang aking pag-ibig, iiwan mo lamang ako. Akala ko ba’y ibibigay mo sa akin ang ‘yong buhay at kaluluwa, sagutin lamang kita?

Lalaki: (habang nakangisi at naka-peace sign) hehehe, joke lang yun….

Sa mga pagkakataong naiipit ang isang tao at hindi niya kayang sagutin ang mga katanungang ibinabato sa kanya tungkol sa mga bagay na kanyang nasambit at naipangako, ang malimit na pangtakas na kanyang idinadahilan ay nagbibiro lamang siya nung mga pagkakataong iyon. Madalas ay nakakainisan natin ang mga ganitong sagot dahil para bang hindi tayo siniseryoso ng taong may ganitong pag-uugali, na para bang ang lahat para sa kanya ay biro-biro lamang.

Sa ating ebanghelyo, hinihingi ni Hesu- Kristo sa kanyang mga tagasunod ang buong buhay na pagsunod sa kagustuhan ng Diyos. Ang ibig sabihin, para sa ating mga Kristiyano, hinihingi ng Diyos ang ating commitment. At ang pagsunod na ito ay hindi biro-biro lamang.

Lubhang napakahirap maging isang Kristyano. Biruin mo, sinabi ni Hesus na mahalin natin ang ating mga kaaway. Joke ba yun? Makita mo pa nga lang ang taong kinaiinisan mo ay gusto mo na syang tirisin. Sabi pa ni Hesus, kapag binato ka ng bato, batuhin mo sya ng tinapay. Hello... Ang sakit kaya tamaan ng bato, hahampasin ko na lang sya ng french bread para medyo matigas. Ang hirap nito di ba? Pero ito ay hamon sa atin ng Panginoon. Ang pagiging tunay na Kristyano ay isang pagtupad sa pangako nang sa ganun ay atin ding matanggap ang pangako ng Diyos na buhay na walang hanggan.

Ang tunay na Kristyano ay tapat sa kanyang sinumpaang pangako. Madaling sabihin ngunit lubhang napakahirap gawin. Pero kung tayo ay tunay na committed sa ating buhay Kristyano, pagsusumikapan nating maging isang tapat na alagad ng ating Panginoon. Ang pagkamatay ni Hesus sa krus ay hindi isang biro, binigay nya ang kanyang buhay para sa atin. Kaya naman nararapat na maging tapat tayo sa kanya, at hindi dapat joke lang.

If you Love me…

We take the concept of love in today’s Gospel not in the realms of conditions but rather as coming from the domain of intentions. To explain this, let me put the words of Jesus through the lips of a young man who is courting a woman. Jesus’ challenge of love, “if you truly love me, you will keep my word and follow me” is different from a boyfriend’s craving to own his woman: “if you love me, then follow me and leave your family.” Both may seem to suggest laying conditions to the part of the lover but the difference spells out when we see the intentions of the person who really loves. And if it is really genuine, then it should follow other descriptions of love such as freeing, selfless and responsible. 

In order to move closer to the idea of Jesus’ intentional love, we can use the conditions of parents who care for their children. “If you love me my son, you should study hard for your own sake…” Parents believe that if they are not going to challenge their children to work hard for their success they will definitely repeat the mistakes of others in the past. They insist on their loving conditions even if difficulties and rejections arise, just to let their children realize what is best in life. Jesus’ love is the same. He must insist on his Word, to the extent that it must be a commandment to be followed by everyone, in order to let his children be with Him with His Father in heaven.

Conditions are indeed violations to the rule of love because love must be something that you give without expecting for return. But these conditions are justified when we see the intentions of the person who really love us unconditionally.

Being Catholic

Malimit nagtatalo ang mga grupo ng Kristiyano sa maraming bagay. Kesyo sabi ng Bibliya, hindi dapat magkaroon ng mga imahe. Kesyo, sabi ng Bibliya, hindi dapat kumain ng may dugo. Maraming mga pinagtatalunan, na para bagang may paligsahan kung sino ang pinakamaraming na-memorize na mga bersikulo na panghambalos sa katunggali. “Mas magaling akong magquote ng Bibliya; samakatwid, sa akin ang tamang relihiyon.”  

Pero nakapagtataka lang, sa mga bagay na kung saan buhay ang nakataya, hindi pinagtatalunan. Halimbawa, sabi ng Panginoon: “Kung ibig mong maging ganap, ipagbili mo ang lahat ng iyong ari-arian at ipamahagi sa mga mahihirap ang pinagbilhan.” (Mat 19:21);  “…nang gawin ninyo ito sa isa sa mga alagad ko, siya man ang pinakahamak, ginawa ninyo ito sa akin…” (Mat 25:40).

   Ba’t di natin ito pinagtatalunan? Ba’t di natin sabihin sa isa’t -isa: “Hoy, kung tunay kang Kristiyano, ano na ang nagawa mo para sa mga taong nangangailangan ng tulong?” Sa Orthopedic Hospital ngayon, madami sa mga pasyente ang namomroblema dahil wala silang pambayad; sa Golden Acres ngayon, may mga lolo at lola na umiiyak dahil nakalimutan na sila ng mundo; sa paligid ng Santo Domingo, may mga taong walang masilungan.

 Ba’t di natin ito ginagawang sumbat? Kay ganda sigurong pakinggan: “Ipinagbili namin ang ilan sa aming ari-arian, ibinigay sa mga mahihirap, at ngayon, nandito kami sa simbahan.” “Nagpunta kami kanina sa ospital, binisita ang mga may sakit, at ngayon, nandito kami sa simbahan.”  “Kinausap ko kanina ang aking katulong, tiningnan kung paano ko mapag-aral ang kanyang anak, at ngayon nandito ako sa simbahan.”  Nakakatakot hindi ba, kung seseryosohin natin ang ating pananampalataya?

 Pero hindi ba ito ang pagiging Kristiyano—ang madama ang sakit na nararamdaman ng bawat isa, na ang kakulangan ng pagkain, damit, trabaho, kaibigan ng kahit sinuman ay sumbat sa lahat ng mga taga-sunod ni Kristo? Sabi ni Chesterton, isang manunulat: “It is not that Christianity had been tried and it failed; rather, Christianity failed because it has never been tried.”  Hindi sinubukan ang pagiging Kristiyano at ito’y pumalpak; ito’y pumalpak, sapagka’t hindi ito kailanman sinubukan.

Panginoon, tulungan mo kami na isabuhay ang aming pananampalataya, na makita Ka sa mga aba at nangangailangan ng kalinga, at ibigay ang sarili namin upang maibsan ang kalungkutan at kahirapan ng bawat isa.