ANG PINAKAMAHALAGANG UTOS

30th Sunday in Ordinary Time

Sa pag-ibig nakasalalay ang tanang kautusan ng Panginoon; pag-ibig sa Diyos at sa kapwa. Pagibig ang isinagot ni Hesukristo sa mga Pariseo na nagnais subukan ang Kanyang dunong, sa halip na matuto mula sa Kanya. Pag-ibig ang mensaheng ipinahayag Niya sa Kanyang pangangaral at gawi ng pamumuhay; pag-ibig na nakamit ang kasukdulan sa Kanyang pagaalay ng sariling buhay sa krus. Pag-ibig din ang inaasahan Niya mula sa atin na Kanyang iniibig nang lubos.

Ayon sa kahuwaran ni San Juan Crisostomo (Pseudo Chrysostom), pag-ibig sa Diyos ang isinagot ni Hesukristo, bilang pinakamahalagang utos ng Diyos at hindi takot, sapagkat sa alipin ang takot, sa mga anak ang pag-ibig; takot ang nasa sapilitan, pag-ibig ang nasa malaya. Hindi nais ng Diyos na paglingkuran Siya ng tao sa paraang pinaglilingkuran ng isang alipin ang kanyang amo. Pag-ibig ang nais ng Diyos, kapara ng pag-ibig ng isang anak sa kanyang ama, kung kaya nga ba kinupkop Niya tayo bilang Kanyang mga anak. Inibig tayo ng Ama. 

Lantad ang pag-ibig ng Ama para sa atin, sa pamamagitan ni Hesukristo kasama ng Espiritu Santo. Marapat, kung ganoon, lantad din ang pag-ibig natin sa Kanya;pagibig ng isang anak sa kanyang Ama. Isabuhay natin ang pag-ibig natin sa Diyos sa pag-ibig natin sa kapwa, kung hindi wala tayong pinagkaiba sa mga Pariseyo; sinusubukan at hinihiya lamang ang Panginoon.

RESPONSABLENG PAGMAMAHAL

Ang pagmamahal ay isang responsibilidad. Hindi tayo nagma­mahal dahil masaya lang tayo sa ating nararamdaman o dahil may nakukuha tayong pabor sa ating minamahal. Nagmamahal tayo upang makamtan ng ating minama­hal ang pinakamaganda at pinaka­mabuti para sa kanya. Ngunit wala nang hihigit pa sa isang pagmama­hal na kung saan ang iyong mina­mahal ay mas napapalapit sa Diyos. Samakatuwid, ang pagmamahal natin ay dapat nakatuon sa tunay na pangangailangan at sa tunay na ikabubuti ng ating minamahal.

Sa mga pagkakataong lu­milihis ang ating minamahal sa mabuting landas, hindi ba’t ang pinakamainam na gawin, kung gusto nating patunayan na mahal natin siya, ay ituwid siya sa kan­yang mga gawain? Masasabi ba na­tin na tunay natin siyang minama­hal kung pababayaan natin siyang malunod sa kasamaan? Maaatim ba nating pagmasdan ang kanyang pagdusa kung alam naman nating may magagawa tayo para mai­wasan niya ito?   

Mga kapatid, magmahal tayo sa paraang itinuturo sa atin ng Diyos sa linggong ito. Sinabi ng Diyos kay propeta Ezekiel (33:7- 9) na dapat nating ilayo ang sinu­mang alam nating gumagawa nang kasalanan sapagkat ito ay ating re­sponsibilidad. Sinasabi naman ng ating Panginoong Hesu Kristo na gawin natin ang ating makakaya para maibalik natin sa tamang lan­das ang sinumang naliligaw. Ma­halagang ipagdasal natin ang mga mahal natin sa buhay at ang mga taong sa tingin natin ay lumalayo sa Diyos. Magmahal tayo nang respon­sable at maging responsable tayo sa ating mga minamahal sa buhay.

FORGIVENESS

Naalala ko ang kwento ng isang binata sa isang recollection sa isang paaralan. Isang hindi malilimu­tang pangyayari ang naganap sa buhay niya kung saan umibig siya sa isang dalagitang napalapit ang loob sa kan­ya. Lingid sa kaalaman niya ay ayaw siya ng magulang ng dalagita kung kaya ginawa nila lahat ng maaari para mapalayo ang anak nila sa binata. Hu­mantong sa punto na halos masira ang tiwala ng binata sa mga magulang ng dalagita lalong-lalo na nung ginawan siya ng tsismis ng mga magulang nito sa kanilang lugar. Isang mahirap na pagsubok sa binata ang nangyaring iyon dahil na rin sa tiwalang ibinigay niya sa magulang na kung saan huwad na mabuting kalooban ang ipinamalas nila sa binata kapag kaharap nila ito.  

Ang paghihiganti ay hindi maiiwasan kung kaya mababasa na­tin sa tala ni Mateo ang turo ni Hesus tungkol sa pahihiganti sa kapwa lalong lalo na kung ang kapwang ito ay nak­agawa ng hindi mabuti sa atin. Hindi madaling gumawa ng mabuti lalo na sa mga taong ginagawa ang mga bagay na nagpapakulo ng dugo mo. Ito ay isang katapangan na hindi basta-basta maha­hanap. Ito ay katapangan na nagmumu­la sa paggawa ng tama at nararapat sa isang sitwasyon na walang pagkiling. Ang turong ito ni Kristo ay hawak niya lalong-lalo na nung napako siya sa Krus. 

  

Sa pagpapatuloy natin sa kwento ng binata, napag-alaman ko na kahit may poot syang nararamdaman sa magulang ng dalagita, hindi niya maiwasang patawarin ang mga ito da­hil sa pagmamahal niya sa anak nila. Lumayo na rin ang binata sa babae at sa pamilya nito pero kinalimutan niya ang galit nito sa magulang ng dalagita. Sa pagmamahal niya sa dalagitang ito

The New Commandment

A face that only a mother could love. This is one of the funnier ways of saying someone is ugly. On a related note, it is also a portrayal of a mother’s love. Sacrifice, going against social biases, complete and selfless love – all these can be found in the phrase only a mother could love. This kind of love is difficult to achieve to the point of being reserved only for very close relationships like that of a mother and her child.

Yet in today’s Gospel, this is the kind of love that Jesus calls us to. It is Christian love. It is the kind of love that Jesus Himself lived and shared with us. The kind of love that enabled Him to forgive and pray for those who persecuted and executed Him. The kind of love that enables one to love in spite of. True, we can say that we have experienced this kind of love: with our families, with our best friends, with the special person with whom we share our whole life. But Jesus calls us to something more – to extend this love to others just as His love redeemed all mankind. Christian love must go beyond borders and break all barriers. It loves in spite of. And in doing so, we show to others the love that God Himself shared with us through Jesus His Son.

Look at the faces around you. Are they faces that only a mother could love? Or are they faces that you as a Christian could love?

Lord, we thank You for the example of love that You have given us. Give us grace that we may love as you have loved. And if everything else fails, remind us of the sacrifices you went through to show us Your love. Amen