ANG TANDA NG KRUS

Ngayong Linggong ito, ipinagdiriwang natin ang Pagpa­parangal sa Banal na Krus o Exal­tation of the Holy Cross. Ano nga ba ang mayroon sa krus at bakit natin ito pinararangalan? Noong unang panahon, ang pagpapako sa krus ay isang paraan ng pagpapa­rusa sa mga kriminal. Ginagamit ito upang itanghal at ipahiya ang isang kriminal nang hindi na tu­laran ng iba.

Ang krus na ito ay pinasan ng ating Panginoong Hesus. Baga­mat siya’y walang sala, inako niya ang paghihirap at pagdurusa upang mailigtas ang sangkatau­han. Bagama’t siya’y hindi krimi­nal, ipinako siya sa krus upang matubos ang sangkatauhan mula sa kasalanan at kamatayan. Ang krus ay naging tanda hindi na la­mang ng pagpaparusa at ng pag­durusa. Ang krus ay naging tanda ng dakilang pagmamahal ng Diyos sa atin. 

Tayong mga Kristiyano ay nag-aantanda ng krus upang lagi nating matandaan kung gaano tayo kamahal ng Diyos – na sa pamamagitan ng krus, nakamit natin ang kaligtasan. Ipinapaala­la ni Hesus na nakapako sa krus na nakikiisa siya sa ating mga pagdurusa. Ang pagpasan natin ng krus sa ating buhay sa araw-araw ay mga pagkakataon upang tayo naman ang makiisa kay Je­sus – sa kanyang paghihirap, sa kanyang pagdurusa, sa kanyang pagmamahal.-