Patungkol sa Paglalaba

Noong bata pa ako, naging parte ng aking kabataan ang pagtulong sa gawaing bahay araw-araw. Bago pumasok sa eskwela, ako ang tagabili ng pagkain para sa aming almusal. Pagkauwi naman sa bahay, ako ang tagadilig ng halaman at katulong ng aking lolo at lola sa paghahanda ng hapag-kainan. Nang ako ay lumaki na, may isang gawaing bahay na noong una ay di ko magustuhan. Ito ay ang paglalaba. Maliban sa ito ay naturingan na gawaing pambabae, ang paglalaba ay mahirap. Wala pa kaming “washing machine” noon kaya kailangan mong ibabad at kusutin ng paulit-ulit ang mga damit upang pumuti at maging malinis. Sadyang mahirap ang gawaing ito para sa akin kaya naman noong una ay nagtatago ako sa aking mga magulang kapag ako ay inuutusang maglaba. Ngunit pagpasok ko sa seminaryo kailangan kong mahalin ang paglalaba. Kailangan kong labahan ang aking mga damit. Sa paglipas ng araw, naging kaaya-aya na sa akin ang paglalaba at naging parte na ito ng aking buhay.

Ang ebanghelyo sa linggong ito ay patungkol sa pagbabagong-anyo ng ating Panginoong Hesukristo. Kadalasan, sa ebanghelyong ito, laging napapansin ang pagbabagong-anyo sa maputi at nagniningning na kasuotan ni Kristo. Ito ay tanda ng kanyang kapangyarihan. Ang katauhan Niya ay nagniningning sapgkat Siya ay Diyos. Ngunit ayon sa mga pantas, ito rin ay tanda ng simula ng pagpapakasakit ni Hesus para sa pag-ibig Niya sa ating lahat. Na kung gaano kaputi at kaningning ang Kanyang Kasuotan ay ito naman ay naging marungis dahil sa dugo upang tayo ay iligtas. Ipinakita Niya na ang kaligtasan ng lahat ay makakamtan lamang sa pagsasakripisyo. 

       Ngayong panahon ng kuwaresma, tayo muli ay ginigising na magsakripisyo para sa kabutihan at kalinisan ng puso. Tulad ng paglalaba, ang mantsa ay di natatanggal sa isang kusutan o babad lang. Ang damit ay pumuputi at nagiging malinis sa paulit-ulit na pagkusot at pagbabad. Ang ating pagkakasala ay di maiwawaglit sa isang araw na di paggawa. Ang pagbabagong buhay ay ginagawa ng paulit-ulit, araw-araw at sa lahat ng oras. Ang pagbabagong buhay ay kailangan ng araw-araw ng pagsasakripisyo upang maging mabuti.

          Panginoon, turuan mo po kami na sumunod sa Iyo sa lahat ng oras, upang ang aming buhay ay maging kalugod-lugod sa iyo. Amen.





All images, musical scores or any third party content that appear in this blog belong to its respective owners.
NO COPYRIGHT INFRINGEMENT IS INTENDED IN THE USE OF THE SAID MATERIALS.
This blog is for non-commercial use and is for religious, catechetical and educational purpose only.

Daang Matuwid

Sa unang linggo ng kuwaresma, binabalikan natin ang kuwento ng panunukso kay Hesus sa disyerto. Inilalahad ng kuwentong ito kung paanong napagtagumpayan ni Hesus ang bawat panunukso sa kaniya. Ang tagpong ito sa kaniyang buhay ay nangyari pagkatapos siyang binyagan ni Juan Bautista sa ilog Jordan. Sa pamamagitan ng kuwentong ito, inaanyayahan tayong tingnan ang ating mga sarili at kilalanin ang mga tuksong malimit na umaakit sa atin nang sa gayon mailapit natin ang ating mga sarili kay Hesus at mas maging katulad niya tayo.

Ang bawat tukso ay nagpapakita sa atin ng mga bagay na wala tayo at mga bagay na inaasam-asam natin sa mga pagkakataong madaling makamit ang mga bagay na ito. Gumagawa ito ng landas na pamimilian natin na kalimitang nakapaglilihis sa atin mula sa tamang landas. Ang bumigay sa tukso ang siyang masama sapagkat sa ating paglihis, nakakasira tayo ng pagkakaibigan, pamilya, tiwala, reputasyon at pagkatao.

Mahirap tuksuhin ang mga taong kontento. Si Hesus ay tinukso sa kanyang kawalan – kawalan ng pagkain, kawalan ng yaman at kawalan ng pangalan. Hindi nga ba’t ang mga tukso kay Hesus ay madalas ding tukso sa bawat isa sa atin? Sino nga ba ang hindi natutukso sa masarap na pagkain lalo na sa gitna ng matinding gutom? Sino ba ang hindi natutukso sa pera at yaman sa mundo nating halos lahat ay kayang bilhin ng pera? Sino ba ang hindi natutuksong magkaroon ng malaking pangalan na siyang puhunan sa kapangyarihan? Si Hesus ay hindi nagpatukso sapagkat kahit gutom siya at dukha, alam niyang hindi siya pababayaan ng Ama sa kaniyang mga pangangailangan at sa kaniyang pagsusumikap na mabuhay na matuwid. Sa gitna ng mga tukso, tinuturuan tayo ni Hesus: mahirap man ang buhay, kaya nating maging kontento; basta magsusumikap tayo darating ang awa ang Diyos.

Mahirap ding tuksuhin ang mga taong tapat sa pangako. Ang mga taong tapat sa pangako ay mga taong nagmamahal. Si Hesus ay tinukso pagkatapos siyang binyagan ni Juan Bautista. Kalakip ng bawat binyag ang pangakong palaging pipiliin ang Diyos at ang landas na mabuti. Lagi namang mabuti ang hangad ng Diyos para sa atin. Kapag bumigay tayo sa tukso at lumihis tayo sa kanyang landas, haharapin natin ang mga suliraning tayo rin mismo ang may likha. Hindi nagpaparusa ang Diyos. Ang mga problema natin ay tayo rin ang mga may gawa. Bininyagan tayo sa binyag ni Hesus. Katulad niya, may mga pangako tayo hindi lang sa Diyos kundi pati rin sa kapwa. Kung magiging tapat lamang tayo sa ating mga pangako papayapa ang mundo, pati ang ating mga isipan.

Bawat tukso ay pagkakataong piliin ang Diyos. Palaging may tukso. Palagi ring may awa ang Diyos. Matangay man tayo minsan, basta matututong bumangon, iaahon niya tayo.

Panginoon, tulungan mo akong piliin ka palagi at sa pagpili ko sa iyo wala na sana akong hanapin pa. Amen.Sa unang linggo ng kuwaresma, binabalikan natin ang kuwento ng panunukso kay Hesus sa disyerto. Inilalahad ng kuwentong ito kung paanong napagtagumpayan ni Hesus ang bawat panunukso sa kaniya. Ang tagpong ito sa kaniyang buhay ay nangyari pagkatapos siyang binyagan ni Juan Bautista sa ilog Jordan. Sa pamamagitan ng kuwentong ito, inaanyayahan tayong tingnan ang ating mga sarili at kilalanin ang mga tuksong malimit na umaakit sa atin nang sa gayon mailapit natin ang ating mga sarili kay Hesus at mas maging katulad niya tayo.

Ang bawat tukso ay nagpapakita sa atin ng mga bagay na wala tayo at mga bagay na inaasam-asam natin sa mga pagkakataong madaling makamit ang mga bagay na ito. Gumagawa ito ng landas na pamimilian natin na kalimitang nakapaglilihis sa atin mula sa tamang landas. Ang bumigay sa tukso ang siyang masama sapagkat sa ating paglihis, nakakasira tayo ng pagkakaibigan, pamilya, tiwala, reputasyon at pagkatao.

Mahirap tuksuhin ang mga taong kontento. Si Hesus ay tinukso sa kanyang kawalan – kawalan ng pagkain, kawalan ng yaman at kawalan ng pangalan. Hindi nga ba’t ang mga tukso kay Hesus ay madalas ding tukso sa bawat isa sa atin? Sino nga ba ang hindi natutukso sa masarap na pagkain lalo na sa gitna ng matinding gutom? Sino ba ang hindi natutukso sa pera at yaman sa mundo nating halos lahat ay kayang bilhin ng pera? Sino ba ang hindi natutuksong magkaroon ng malaking pangalan na siyang puhunan sa kapangyarihan? Si Hesus ay hindi nagpatukso sapagkat kahit gutom siya at dukha, alam niyang hindi siya pababayaan ng Ama sa kaniyang mga pangangailangan at sa kaniyang pagsusumikap na mabuhay na matuwid. Sa gitna ng mga tukso, tinuturuan tayo ni Hesus: mahirap man ang buhay, kaya nating maging kontento; basta magsusumikap tayo darating ang awa ang Diyos.

Mahirap ding tuksuhin ang mga taong tapat sa pangako. Ang mga taong tapat sa pangako ay mga taong nagmamahal. Si Hesus ay tinukso pagkatapos siyang binyagan ni Juan Bautista. Kalakip ng bawat binyag ang pangakong palaging pipiliin ang Diyos at ang landas na mabuti. Lagi namang mabuti ang hangad ng Diyos para sa atin. Kapag bumigay tayo sa tukso at lumihis tayo sa kanyang landas, haharapin natin ang mga suliraning tayo rin mismo ang may likha. Hindi nagpaparusa ang Diyos. Ang mga problema natin ay tayo rin ang mga may gawa. Bininyagan tayo sa binyag ni Hesus. Katulad niya, may mga pangako tayo hindi lang sa Diyos kundi pati rin sa kapwa. Kung magiging tapat lamang tayo sa ating mga pangako papayapa ang mundo, pati ang ating mga isipan.

Bawat tukso ay pagkakataong piliin ang Diyos. Palaging may tukso. Palagi ring may awa ang Diyos. Matangay man tayo minsan, basta matututong bumangon, iaahon niya tayo.

Panginoon, tulungan mo akong piliin ka palagi at sa pagpili ko sa iyo wala na sana akong hanapin pa. Amen.